’n 19-jarige man word daarvan aangekla dat hy sy eie ma in hul huis noodlottig met ‘n vuurwapen gewond het nadat sy hom gekonfronteer het oor rook binne die huis.
Volgens The New York Post het Seth Settle van Florida sy ma Donderdag geskiet, nie lank nadat sy pa werk toe is nie.
Die man het ‘n telefoonoproep ontvang wat hom ingelig het dat sy vrou hospitaal toe geneem is. Teen die tyd dat hy sy dogter by die skool gaan haal het en by die huis gekom het, is hy in kennis gestel dat sy vrou gesterf het, het die owerhede gesê.
Grady Judd, balju van Polk County, het gesê Settle het ná die skietery gevlug, maar is gou gevind.
Hy het toe ondersoekers ingelig dat hy sy ma deur sy slaapkamerdeur geskiet het nadat sy hom aangesê het om op te hou om sigare in sy kamer te rook en toe die deur toegemaak het.
‘n Verpleegster by die hospitaal het gesê die vrou is in die hart geskiet.
Volgens Judd het Settle gesê hy was depressief en het die geweer teen sy kop gehou voordat sy ma die kamer binnegekom het.
Toe hy die geweer neersit, het dit per ongeluk afgevuur.
Maar die balju glo dit nie en glo dat hy sy ma opsetlik uit woede deur sy deur geskiet het.
“Die enigste mense wat meer geskok en verstom is hieroor as die wetstoepassers is die onmiddellike familie. Niemand kon dit sien kom nie … Hy het verby haar gevlug – het nie gehelp nie, het nie 911 gebel nie. Ek kan nie begin om jou die afgryse van hierdie gebeurtenis te vertel nie,” het ‘n familielid gesê.
Settle staan nou tereg op verskeie aanklagte, insluitend tweedegraadse moord, gepeuter met bewyse, die verskaffing van vals inligting aan ‘n beampte en die afvuur van ‘n vuurwapen op ‘n residensiële eiendom.
Bronne: Newschant, MSN
Volg FiND iT hier.
Lees ook: Voormalige Australiese krieketspeler sterf in motorongeluk
