AfriForum is vandag in die Hoogste Hof van Appèl in Bloemfontein om die 2019-uitspraak oor die “apartheidsvlag” teen te staan.
Die uitspraak het die vertoon van die ou Suid-Afrikaanse vlag in die meeste omstandighede, ook in die privaat, verban.
Hoewel die meeste Suid-Afrikaners die besluit aanvaar het, het AfriForum dit deurentyd as ’n “aanval op vrye spraak” beskou.
Die groep het onlangs uiteengesit wat hul saak behels: “Dit is ‘n positiewe wending vir vryheid van spraak. AfriForum is sterk ten gunste van vryheid van spraak, maar glo ook dat ware haatspraak beveg moet word. Ingevolge die bepalings van die Grondwet is die feit dat die ou vlag vir sommige mense aanstootlik is nie voldoende rede om dit as haatspraak te verklaar nie.”
“Ons is bekommerd dat dit verreikende gevolge vir vrye spraak – een van die hoekstene van ‘n demokratiese samelewing – sal hê as die vertoon van die 1928-vlag tot haatspraak verklaar word. Ons sal dit dus in die hoogste howe beveg,” aldus Ernst Roets.
