Baba Liané Roux wat in duisende Suid-Afrikaners se harte ingekruip het, is Saterdag oorlede.
Klein Liané (10 maande) het Vrydag 22 April ‘n hartoperasie ondergaan ná haar ouers uiteindelik genoeg geld kon insamel om vir die operasie te betaal.
Haar ma, Ashley Roux, het die nuus van haar dood op haar Facebook-blad, Liané Roux Heart Fund, bekendgemaak.
“Dis met groot hartseer wat ‘n trotse mamma en pappa van ons prinses moet afskeid neem. Liané Calie Roux, my engel, jy het so hard baklei soos jy kon, maar jou geveg het nou geëindig. Rus in vrede, my baba. Jy het ‘n deel van ons hart saam met jou gevat.”
