Outo-stereogramme kan kortliks verduidelik word as ‘n prentjie binne ‘n prentjie. Die versteekte 3D-beeld kan met net die blote oog gesien word, solank die korrekte fokus bereik kan word. Wanneer jy na ‘n outostereogram kyk, sien jou brein aanvanklik herhalende 2D-patrone van albei oë af. Dit is omdat jou brein outomaties op die beeld self fokus. Wanneer jy jou oë agter die 2D-patroon kan fokus, begin jou oë teen ‘n effens ander hoek na die patroon kyk.
Hier is ‘n paar wenke om te help met die parallelle kykmetode:
1. Konsentreer op ‘n punt in die middel van die 2D-prent. Probeer om nie afgelei te word deur om die prentjie te kyk nie.
2. Laat jou oë ontspan en kyk eerder deur die prentjie as daarná. Jy wil na ‘n punt agter die prentjie kyk. Jy sal sien dat die prentjie effens uit fokus gaan raak. Dit is normaal, en dit is eintlik wat jy wil hê moet gebeur. Vir beginners sal ‘n nuttige manier om te begin, wees om te kyk na prente wat geraam is. Jy kan dan leer om verby die prentjie te kyk deur jou refleksie as ‘n riglyn te gebruik.
3. Sodra jy die 3D-beeld raaksien, word dit makliker. Probeer die versoeking weerstaan om weer op die 2D-prent te fokus – jy sal die 3D-prent verloor as jy dit doen. Meeste van die tyd, as jy nie die 3D-beeld kan sien nie, is dit omdat jy nie gewoond is aan die kyktegniek nie. Jy moet egter met albei oë goed kan sien. Dit is onwaarskynlik dat jy die 3D-prente sal kan sien as jy swak visuele funksie in een oog het.
As jy dit nie die eerste keer reggekry het nie, moenie moed verloor nie. Neem ‘n ruskans, ontspan jou oë, en probeer dan weer!
Bron: https://www.vision-and-eye-health.com/autostereograms.html
