Kaapstad het die finale groen lig gegee vir die Twee Oseane-marathon om oor die Paasnaweek voort te gaan.
Die Stad sê daar is nou ‘n duidelike verkeersplan vir geaffekteerde kerke wat sal verseker Paasdienste kan voortgaan.
Die geleentheidspermit vir die Twee Oseane-marathon was tot Woensdagmiddag in die weegskaal weens kommer oor die ultramarathon-wedloop wat vir Paassondag beplan word.
‘n Aantal gefrustreerde kerke en godsdiensgroepe het beswaar gemaak teen die padsluitings wat gemeentelede wat dienste op die heilige naweek sou bywoon, sou raak.
In ‘n verklaring wat Maandag uitgereik is, het Two Oceans-marathon die kerkleiers om verskoning gevra vir die Paassondag-datumbotsing.
Die ikoniese wedloop vind tradisioneel op ‘n Saterdag plaas, maar is vanjaar oor Saterdag en Sondag verdeel om aan Covid-19-regulasies te voldoen.
“Die besluit om die jaarlikse geleentheid oor die Paasnaweek oor twee dae te verdeel, het onbedoelde gevolge gehad op ’n belangrike dag vir die Christelike gemeenskap, waarvoor ons opreg om verskoning vra”, het die organisasie gesê.
Na aanleiding van konsultasies tussen die wedren-organiseerders en kerkleiers, is die Kaapstad-munisipaliteit tevrede dat daar ‘n duidelike plan in plek is.
Bronne: Dispatch Live, MSN
Volg FiND iT hier.
Lees ook: Kerkleiers ontsteld oor nuwe Covid-reëls vir gemeentelede
