Twee nuwe Omicron-variante is in Suid-Afrika opgespoor, maar Tulio de Oliveira, direkteur van die Sentrum vir Epidemiese Reaksie en Innovasie (CERI) en ‘n kenner van die koronavirus, het gesê dat daar “geen rede tot kommer is nie”.
Die sub-variante – bloot bekend as BA.4 en BA.5 – sirkuleer ook in Botswana, België, Duitsland, Denemarke en die VK.
Vroeë data dui daarop dat hierdie stamme ook op pad is om “dominant” te word.
De Oliveira se jongste navorsing het bevind dat nie een van die nuwe variante ’n groot styging in gevalle, hospitalisasies of selfs sterftes veroorsaak het nie – al is dit meer as ’n maand gelede opgespoor.
“Dis goeie nuus: Ondanks die toename in die persentasie genome, veroorsaak BA.4 en BA.5 nie ‘n styging in infeksies in SA nie. Dieselfde geld vir hospitalisasie en sterftes, wat in SA op ‘n rekordlaagtepunt is. BA.4 en BA.5 deel ’n soortgelyke piekprofiel as BA.2, behalwe vir ’n paar bykomende mutasies,” het De Oliveira gesê.
“Verdere evolusie van Omicron en identifikasie van sy bykomende sub-afstammelinge word heeltemal verwag. Tans is ons almal gewaarsku, maar nie bekommerd nie. Dit is ‘n goeie tyd om ‘n ‘booster’ te kry, variante op ‘n afstand te hou en terug te keer na die normale lewe,” het hy bygevoeg.
Bronne: NDTV, MSN
Volg FiND iT hier.
Lees ook: Vermiste man se lyk na 10 jaar agter vrieskas ontdek
