Die bekende haarsorghandelsmerk L’Oréal Suid-Afrika het van sy Dark and Lovely relaxer-produkte herroep ná verskeie klagtes van sy verbruikers.
Kaya 959 het berig die Nasionale Verbruikerskommissie (NCC) het bevestig dat ongeveer 22 verbruikers nadelige newe-effekte gerapporteer het van die gebruik van Dark and Lovely Precise Diamond Straight and Shine Relaxers.
Dark and Lovely het toe ‘n kennisgewing uitgereik wat alle plaaslik vervaardigde Dark and Lovely Precise Diamond Straight and Shine Relaxer 125ml-bakkies met die bondelnommers 87UD00 en 87UD01 herroep. Daar word gerapporteer dat mense wat die produk gebruik het, verhoogde breek van hare en verhoogde kopvelirritasie kan ervaar.
“Die Dark and Lovely Precise Diamond Straight and Shine Relaxer 125ml-bakkies met die bondelnommers 87UD00 en 87UD01 word onttrek van alle kleinhandelverkope. Verbruikers wat produkte met een van hierdie bondelnommers gekoop het, moenie die produk gebruik nie en moet dit terugstuur na die plek van aankoop vir ‘n volle terugbetaling. By L’Oréal Suid-Afrika is ons daartoe verbind om produkte te vervaardig wat veilig en doeltreffend is. Die veiligheid van ons verbruikers en die kwaliteit van ons produkte is ons topprioriteit,” lui ’n verklaring van die handelsmerk.
Hulle het bygevoeg dat produksie en bemarking van die produkte as ‘n voorsorgmaatreël gestaak is.
Bronne: MSN, News24
Volg FiND iT hier.
