Terwyl gerugte versprei het dat brande in Hyde Park, Dunkeld en Illovo gestig is deur ‘n eensame reeksbrandstigter wat by huise inbreek, kos steel en in die huis toilet toe gaan voordat dit aan die brand gesteek word, het die polisie dié bewerings van die hand gewys.
Owen King, stasiebevelvoerder van Bramley-polisie, het gesê hy is in beheer van ‘n groot gebied wat die betrokke voorstede insluit en hy is nie bewus van ‘n reeksbrandstigter wat in daardie gebied werksaam is nie.
“Daar is moontlik baie goed wat gebeur het en wat nooit behoorlik aan ons gerapporteer is of deur ander kanale gegaan het nie. Maar ek kan bevestig dat ons sedert 1 Januarie 2021 tot op hede net drie verslae van huisbrande ontvang het – een in Illovo, een in Hyde Park en een in Marlborough Gardens.”
Maar inwoners is nie oortuig nie. Inspekteur Morris Zwane, waarnemende afdelingshoof van brandveiligheid en navorsing, het gesê hoewel hy nie seker is van ‘n brandstigter wat op vrye voet is nie, kan hy bevestig dat daar “baie brande in die gebied was”.
Bronne: MSN, Head Topics
Volg FiND iT hier.
Lees ook: Suid-Afrika het 1 538 nuwe aangemelde Covid-19-gevalle
