CHINA. – ‘n TV-uitsending van die Olimpiese Winterspele uit China is onderbreek toe die kameraman begin naar en flou voel het.
Da ist beim ZDF kurz der Kameramann weggeklappt. Frag mich immer, warum das nicht viel häufiger passiert. Ich bin schon nach 5 Minuten Stehen kurz vorm Zusammenbruch, und dann auch noch mit schwerer Kamera. Gute Besserung! #Olympia pic.twitter.com/C8CW0la2E3
— Jonatan (@FcbTani) February 7, 2022
‘n Kameraman van ZDF, ‘n uitsaaidiens van Duitsland, het gesondheidsprobleme ondervind tydens ‘n regstreekse uitsending van die Olimpiese Winterspele uit China.
Terwyl moderator Alexander Ruda en kenner Sven Fischer, Denise Herrmann se Olimpiese oorwinning in die vrouetweekamp-enkelspel ontleed het, het die kameraman van naarheid gekla.
Die TV-uitsending het begin wankel. Die kameraman het glo gesukkel om te staan.
“Is alles reg hier, is ons nog in die prentjie?” het Ruda gevra.
Fischer het die siek kameraman gevra om te gaan lê en hom soontoe gehaas om te help. Die uitsending na China is Maandag kortliks onderbreek en dit is saam met Katrin Müller-Hohenstein teruggeskakel na Mainz in die Olympia-ateljee.
Ruda het later in ‘n regstreekse uitsending gesê die kameraman, slegs bekend as Timo, is weer beter.
“Hy het ‘n bietjie hipotermie gehad, hy het dit voorheen gehad. Hy het iets gedrink, die masker afgehaal en diep asemgehaal.”
In ‘n twiet van die ZDF-sportateljee is ‘n foto van die herstelde kameraman Timo met moderator Ruda gewys.
Entwarnung: Kameramann Timo (links, mit Moderator Alex Ruda) geht es wieder gut.👍 Während der #Biathlon-Übertragung hatte er kurzzeitig gesundheitliche Probleme. #Peking2022 #Olympia2022 #Olympia pic.twitter.com/JwJXhKDG2m
— ZDF sportstudio (@sportstudio) February 7, 2022
Bron: Newsrnd, ArchySport
