Duisende Katolieke in die VSA sal dalk weer gedoop moet word nadat dit ontdek is dat ‘n priester vir meer as twee dekades een woord verkeerd gesê het in die seën, wat die ritueel ongeldig maak.
Vir 26 jaar het Vader Andres Arango die eerste sakrament van die Katolieke lewe uitgevoer met die woorde: “Ons doop jou,” in plaas van die Vatikaan-gesanksioneerde “Ek doop jou.”
“Dit is nie die gemeenskap wat ‘n persoon doop en by die Kerk van Christus inkorporeer nie; dit is eerder Christus, en Christus alleen, wat by alle sakramente voorsit; daarom is dit Christus wat doop,” het Thomas J. Olmsted, biskop van Phoenix, gesê.
Vader Arango het die verkeerde woorde gebruik vanaf die begin van sy priesterskap totdat dit verlede somer onder die aandag van die bisdom gebring is,” het bisdomwoordvoerder Katie Burke Dinsdag gesê.
“Ek het nie die presiese getal mense wat tussen 1995 en 2021 gedoop is nie, maar ek glo hulle tel in die duisende,” het sy bygevoeg.
Sedert die fout aan die lig gekom het, het Arango sy gewone werk bedank “om sy voltydse bediening te wy om die mense te help en te genees wat deur hierdie fout geraak is,” het Burke gesê.
“Die bisdom werk nou saam met Vader Arango en die gemeentes waar hy voorheen aangestel is om mense in kennis te stel en reëlings te tref om enigiemand wat moontlik ‘ongeldig’ gedoop is, te herdoop.”
Bronne: The World News, MSN
Volg FiND iT hier.
Lees ook: NICD waarsku oor tifuskoors in SA
