Jake White is vasbeslote dat die Vodacom Bulle bestem is vir grootheid in die Vodacom United Rugbykampioenskap, ondanks ‘n verbasend swak begin in die kompetisie. Op grond van hul ongeëwenaarde sukses in plaaslike rugby die afgelope maande is die Bulle gelukkig om Suid-Afrika se vlagdraers in die VGK te wees.
Na sewe rondes bevind die Bulle hulle egter in die 13de plek. Maar White beweer daar is haak-en-steekplekke wat uitgestryk moet word.
“Geen span wil verloor nie, dit maak nie saak waar ons speel nie,” het die Bulle se direkteur van rugby tydens ‘n mediakonferensie gesê.
“Maar omstandighede bepaal wat gebeur. Ons wil nie ‘n situasie hê waar wen op Loftus belangriker word as die eindstryd nie en dit is iets waarop ons bedag is.
“Hierdie groep groei saam. Dit is hul eerste jaar in Europa.
In 1996 het die Crusaders laaste in daardie openingsuitgawe van Superrugby gekom en die mees dominante span in die geskiedenis van die kompetisie geword. “Dit het die Crusaders meer as twee jaar geneem om te kon bepaal wie hulle moes werf, wat hulle wedstrydplanne behels, afrigtingstrukture. Dis alles dinge waaraan hulle ook moes werk. “Kyk na die sukses wat hulle uiteindelik behaal het.”
Hy het bygevoeg dat sy spelers en afrigtingspan nie onderdruk word deur die span se swak vorm nie, want hulle geniet steeds wat hulle doen en dit sal hulle help om uiteindelik te verbeter.
Ons ervaar druk, natuurlik is daar. Maar daar is geen druk van buite nie,” het White gesê.
“Die lekker ding van rugby is dat dit lekker is. Jy moet dit geniet. Die hoogtepunte is regtig hoog en die laagtepunte is iets waardeur jy werk.
“Druk is vir my wanneer jy ’n bomverwyderingsdeskundige is en jy moet besluit of jy die rooi of swart koord moet sny. Dis druk. Ek dink nie wanneer jy rugby speel en pret het en daarvoor betaal word dat jy ekstra druk van buite af nodig het nie.
“Jou interne dryfkrag en spankwaliteit is wat saak maak en behoort hoë prestasie op die veld te lei.”
