Een van die lekker dinge van ouerskap is die hegte band wat ons met ons kinders vorm. Dit is natuurlik om na aan jou kinders te wil wees, maar wanneer die lyne tussen ouer-wees en om jou kind se vriend te wees vervaag, kan probleme ontstaan.
Hier verduidelik ouerskapkenners die moontlike gevolge van ‘n te noue verhouding en hoe om die balans reg te kry.
Hoekom dit belangrik is om die ouer te wees
Die probleem met ‘n ouer wat kinders grootmaak asof die ouer die kinders se gelyke is, is dat jy nie is nie, en ook nie moet wees nie, sê die kliniese sielkundige Sally-Anne McCormack.
“Daar is niks verkeerd daarmee om vriendelik met jou kinders te wees en tyd saam te geniet nie en na aan hulle te voel nie, maar ouers se werk is om hul kinders groot te maak om onafhanklike en verantwoordelike jong volwassenes te wees. Om dit te bereik, moet ons grense stel en by geleentheid ‘nee’ sê. Kinders het jou nodig om ’n gesagsfiguur te wees, nie ’n vriend nie,” sê McCormack.
GENIET JY NUUS IN AFRIKAANS? Lees dan nog berigte in Afrikaans hier.
Ouerskap = eie vriende en konneksies
Dr. Anna Cohen, kliniese sielkundige en mede-direkteur van Kids & Co Clinical Psychology, stem met McCormack saam. “Ek glo dat jongmense hulle ouers nodig het om ouers te wees. Kinders kan hulle eie vriende en konneksies vind, maar hulle kan nie maklik ‘n stel mense vind wat hulle onvoorwaardelike liefde, koestering en die leiding, waarna hulle smag en nodig het, gaan gee nie.”
Moenie optree asof jy jou kind se beste vriend is nie
“As jy optree asof julle beste maats is, ondermyn jy egter jou eie gesag en dit maak dit moeiliker om reëls af te dwing of om te dissiplineer wanneer dit vereis word.”
McCormack sê dit kan ook beïnvloed hoe kinders met gesaghebbende mense sien.
“As jy byvoorbeeld die gewoonte het om jou kind te steun wanneer hulle onvanpas oor ‘n onderwyser kerm, dan is al wat jy doen om jou kind te leer om oneerbiedig te wees of, ten minste, nie respek vir die onderwyser te voel nie.”
Volg FiND iT op Facebook hier en lees meer artikels oor ouerskap en vele meer in Afrikaans hier.
