Ouerskap kan soms moeilik wees, maar wat gebeur as jy meer soos jou kind se beste vriend as ’n ouer begin optree?
Hier verduidelik ons die gevolge en hoe om die balans reg te kry.
Ouerskap: Vriendskap of respek
Dr. Anna Cohen, kliniese sielkundige en mede-direkteur van Kids & Co Clinical Psychology, sê jong mense het ’n ongelooflike radar vir egtheid. “Hulle weet wanneer ‘n volwassene te hard probeer om hulle goedkeuring of toegeneentheid te wen deur te gaaf of te cool te wees en hulle kan daarop speel.
GENIET JY NUUS IN AFRIKAANS? Lees dan nog berigte in Afrikaans hier.
“Die idee vir ouers om van gehou te word en om gerespekteer te word, kan verwar word. Jou kinders hou dalk van jou, maar hulle respekteer jou nie. Om gerespekteer te word, moet jy gesien word as iemand in beheer wat billike, duidelike en konsekwente perke stel,” sê Cohen.
“As jy hou van die idee om as die cool ouer gesien te word, kan jy jou kinders se vriendskappe in gevaar stel, veral in die tienerjare.”
Die gevaar om te veel te deel
Vriende deel probleme en intieme besonderhede van hulle lewens, maar wanneer ouers te veel met hulle kinders deel, kan dit moeilikheid veroorsaak.
Sally-Anne McCormack, ’n kliniese sielkundige, sê ’n kind het dalk die intellektuele vermoë om sekere dinge te verstaan, maar hulle het nie die emosionele vermoë om te weet wat om daarmee te doen nie.
Ouerskap = verantwoordelikheid
“Dit is nie kinders se plig om te verseker dat jou maat jou goed behandel of dat jy kan bekostig om die verband te betaal nie. As jy hulle daarmee belas, kan hulle vir jou verantwoordelik begin voel en dit plaas hulle onder baie druk. Kinders is beïnvloedbaar. ’n Verantwoordelike ouer tree terug en laat hulle kinders toe om hulle eie besluite te neem en met hulle eie interpretasies van gebeure vorendag te kom.”
Kind se behoeftes
Cohen stel voor dat jy jouself afvra: “Dien dit my kind se behoeftes om daardie inligting te deel?” Sy sê ook die bedoeling is nie om oneerlik met jou kinders is nie, maar om hulle nie te belas met te veel inligting nie.
Volg FiND iT op Facebook hier en lees meer artikels in Afrikaans hier.
