Pepermentbas is die perfekte lekkergoed vir die feestyd en jy kan dit in net 10 minute maak.
Bestanddele vir pepermentbas:
- 340 g donker sjokolade, fyngekap
- 340 g wit sjokolade, fyngekap
- ½ teelepel pepermentgeursel
- 8 lekkergoedstokkies, fyngemaak (Candy Canes)
Metode:
- Voer ’n bakplaat met bakpapier uit. Vul die bodem van ’n groot kastrol met water en laat prut oor matige hitte. Verminder hitte tot laag en plaas dan ’n groot hittebestande bak bo-op. Voeg die sjokolade by en roer af en toe tot dit gesmelt het. Roer pepermentgeursel by. Gooi in voorbereide bakplaat en smeer in ’n egalige laag met ’n spatel. Verkoel tot gestol, sowat 20 minute.
- Plaas nog ’n groot hittebestande bak oor dieselfde kastrol met water. Voeg wit sjokolade by en roer tot gesmelt. Gooi die wit sjokolade onmiddellik oor die gestolde donker sjokolade en strooi die lekkergoedstokkies bo-oor. Verkoel tot gestol, sowat 20 minute.
Resep ingestuur deur Niki Schoeman.
