KWAZULU-NATAL. – Nooddienste het gisteraand gereageer op ‘n oproep oor ‘n bus wat op die R56 naby Umkomaasvallei Ixopo omgeslaan het.
Volgens Arrive Alive het nooddienste ‘n bus wat na bewering beheer verloor en omgeslaan het, gevind.
Paramedici het die toneel vinnig gefynkam en gevind dat altesaam 58 passasiers beserings opgedoen het. 10 het kritieke beserings opgedoen, 26 ernstige beserings en 22 passasiers is lig beseer.
Die beseerdes is op die toneel behandel voordat hulle deur verskeie ambulansdienste na ‘n hospitaal vervoer is.
Die oorsaak van die botsing is nie bekend nie, maar die polisie was op die toneel.
LEES OOK: Bejaarde verkrag glo tiener, belowe haar geld
Volg FiNDiT hier vir die nuutste nuus.
