‘n Babadogtertjie van 18 dae oud het tragies gesterf nadat sy saam met haar ouers in hulle bed aan die slaap geraak het (co-sleeping).
Volgens ‘n ondersoek is Asha-May (18 dae oud) volgens haar ma onder die regterarm van haar lewensmaat gevind toe sy om 06:00 wakker word. Plaaslike media berig sy het haar lewensmaat ‘n paar uur vantevore gevra om seker te maak dat hy die baba in haar bedjie sit nadat sy haar gevoed het. Die baba se ma het die volgende oggend wakker geraak en nie die baba in haar bedjie gevind nie.
Baba sterf glo onder pa se arm
Baie ouers word sterk aangeraai om babas nie in dieselfde bed as hulle nie, maar wel in dieselfde kamer te laat slaap. Babas moet alleen op ‘n stewige slaapoppervlak, soos ‘n matras, in ‘n veiligheidsgoedgekeurde bababedjie slaap. Hou sagte beddegoed, soos komberse, kussings, strooikussings en sagte speelgoed, buite die slaaparea van die baba.
Kenners sê dat dit selfs vir ‘n dutjie op die bank geld of as jy per ongeluk aan die slaap raak nadat jy jou baba gevoed het. Jy moet altyd wakker wees as jy jou baba vashou. Die eerste ses maande van ‘n kind se lewe is die mees kritieke tyd om veilige slaapgewoontes te volg, want dit is wanneer slaapverwante sterftes by babas die hoogste is.
Ongeveer 3,500 babas sterf jaarliks in die Verenigdes State aan slaapverwante voorvalle.
LEES OOK: Video waarin boer glo 17-jarige doodgeskiet, versprei soos veldbrand
LEES OOK: Babatjie toegedraai in asblik op dorp gevind
Volg FiNDiT hier vir die nuutste nuus.
