Die seisoen van swem, sonbaai en mooi sandale dra is met ons. Moenie hierdie somer jou voete wegsteek nie. Hier is raad hoe om jou hakke mooi glad en gereed vir die somer te kry.
- Week jou voete in ’n ontspannende voetbad met essensiële olies.
- Jy kan ook jou voete in water met Engelse sout of asyn week.
- Gebruik ’n voetskrop om jou voete mee te was.
- Dit is die maklikste om eelte en droë vel te verwyder as die vel sag en warm is na jy jou voete in ’n voetbad geweek het. Daar is verskillende produkte op die mark soos ’n puimsteen of voetvyl om growwe velle mee af te skuur.
- Bevogtig jou voete met ’n goeie room of hakbalsem.
- Vermy bevogtiger wat alkohol bevat, wat jou voete meer kan uitdroog. Baba-olie of petroleumjellie is gewoonlik veilig.
- Dra 100% katoensokkies wanneer jy toe skoene dra of saans wanneer jy gaan slaap.
- Daar is ook ’n groot verskeidenheid prosedures en behandelings wat jy by jou naaste skoonheidsalon kan laat doen.
- Mense met gebarste hakke moet ’n dokter raadpleeg as hulle langer as ’n paar dae seer, rooiheid, swelling of erge pyn in enige deel van die voet ervaar.
