Marlene Schoeman, kookboekskrywer in die Vrystaat, deel met ons die resep vir ‘n lipleklekker suurlemoentert. Probeer dit gerus!
Kors:
1 pakkie Tennis-beskuitjies (fyngemaak)
3 eetlepels gesmelte margarien
Vulsel:
1 blik kondensmelk
3 ekstra groot eiers, geskei
80 ml suurlemoensap
Bolaag:
3 ekstra groot eierwitte
75 ml suiker
Metode:
Voorverhit oond tot 180°C.
Kors:
Meng fyn koekies en gesmelte margarien en druk egalig in tertbak vas.
Vulsel:
Meng kondensmelk, eiergele en suurlemoensap deeglik en skep in kors.
Bolaag:
Klits eierwitte tot sagte punte en voeg suiker geleidelik by tot styf.
Skep geklitste eierwitte op vulsel en maak punte met vurk gelyk.
Bak sowat 10-12 minute tot goudbruin.
Laat eers heeltemal afkoel voordat dit voorgesit word.
