VRYSTAAT. – ‘n 12-jarige word van moord aangekla nadat hy glo sy maat (15) tydens ‘n woordewisseling toe hulle ‘n dobbelspeletjie gespeel het, doodgesteek het.
Brig. Motantsi Makhele, polisiewoordvoerder, sê die graad 6-leerling en graad 9-leerling het in ’n straat in Odendaalsrus, Kutlwanong, ‘n dobbelspeletjie gespeel.
Volgens Makhele word daar beweer die twee seuns het glo in ‘n woordewisseling betrokke geraak waarna die 12-jarige huis toe is. Hy het later teruggekeer, ‘n mes uitgehaal en glo die 15-jarige gesteek.
“Die 15-jarige is op die toneel dood.”
Die verdagte is in hegtenis geneem en is later onder toesig van sy voog vrygelaat. Hy moet Maandag in die Odendaalsrus-landdroshof verskyn.
LEES OOK: Plaasaanval gisteraand, boer (34) dood
Hou FiND iT vir meer inligting.
