December 3, 2021

Covid-19-inenting nié ‘n verpligting by skole

“Dit beteken dat skole waar geen positiewe gevalle voorkom nie, sonder ontwrigting kan voortgaan”

Covid-19-inenting nié 'n verpligting by skole (Foto: The Citizen-Times)

Covid-19-inenting nié 'n verpligting by skole (Foto: The Citizen-Times)

Sedert die aanvang van Covid-verwante inperkings, het die VF Plus hom daarvoor beywer dat die onderwyssektor so gou moontlik heropen moet word. Daarom verwelkom die party die geleentheid wat geskep word om alle skoolverwante personeel wat dit verlang, te laat inent.

Die aangekondigde inentingsprogram sluit alle skole, openbaar en onafhanklik, sowel as alle personeel, onderwys-, administratiewe en ander personeel in.

Ook personeellede wat deur die skoolbeheerliggaam betaal word, is ingesluit. Steeds is die ent nie ‘n voorwaarde om steeds as personeellid van ‘n skool te dien nie.

Angie Motshekga, die minister van basiese onderwys, het Saterdag bevestig dat skole wat deur Covid-19-besmettings geraak word, op ‘n geval-vir-geval-grondslag hanteer sal word. Dit beteken dat skole waar geen positiewe gevalle voorkom nie, sonder ontwrigting kan voortgaan.

Dr. Wynand Boshoff, VF Plus-LP en hoofwoordvoerder van basiese onderwys, sê ‘n aspek wat wel kommer wek, is dat onderwysers met onderliggende siektetoestande ook ná die inentingsprogram na skole sal moet terugkeer.

“Die minister het tereg daarop gewys dat die ineingnt nie honderd persent beskerming bied nie. Dit beteken dat sommige onderwysers sal moet kies of hulle die risiko wil loop, of vervroegde pensioen wil neem.”

Leave a Reply

Your email address will not be published. Required fields are marked *