SUID-AFRIKA. – Mark Pilgrim, die bekende radio-omroeper en televisie-aanbieder, bly positief nadat hy Covid-19 opgedoen het en intussen ook ‘n longinfeksie.
”Jy het dit. Jy is al deur erger dinge hierdie jaar. Jy het kanker en ‘n hartaanval oorleef,” skryf hy as ‘n nota aan homself.
Eensaamheid vang radio-omroeper met Covid-19
Pilgrim vertel aan sy aanhangers wat sy pad na herstel volg dat die siekte eintlik ‘n baie eensame siekte is. “Daar is twee dinge wat regtig uitstaan met hierdie virus. Die eerste is die onvoorspelbaarheid. Van die een dag tot die volgende weet jy net nie hoe jy gaan voel nie. En tweedens (kan sommige selfs harder slaan) die eensaamheid. Jou geliefdes kan jou nie aanraak nie. Hulle kan nie naby kom nie. Soms is dit die ding wat jy die graagste wil hê, die een ding wat jy eenvoudig nie kan hê nie … ‘n drukkie.”
X-strale het ‘n longinfeksie in sy regterlong gewys. Dit word deur sy dokter behandel. Hy sê verder hy is bly sy asemhaling is nog goed en dat hy nog tuis kan wees.
LEES OOK: Seuntjie (3) deur honde verskeur toe hy by venster uitval
LEES OOK: Video’s wys chaos vanoggend by Witbank-skool
Volg FiNDiT hier vir die nuutste nuus.
