Die Johnson & Johnson se Janssen Covid-19-entstof is vir eers vir mense onder 41 in Europa gestop nadat een persoon na bewering van ernstige newe-effekte gesterf het.
LEES OOK: Ma gee geboorte aan drieling – breek wêreldrekord
Net vir mense ouer as 41
Die Belgiese minister van gesondheid het in ’n verklaring gesê die interministeriële konferensie het besluit om Janssen se entstof tydelik toe te dien aan die algemene bevolking vanaf die ouderdom van 41 jaar, hangende ’n meer gedetailleerde ontleding van voordele-risiko’s deur die EMA (Europese Medisyne-agentskap).
Die EMA is tans besig om die eerste noodlottige verslag van ’n 37-jarige vrou in België, wat ’n bloedklont met lae bloedplaatjies gehad het, te hersien. Die toestand het vroeër verband met die inenting gehou.
1,34 miljoen dosisse
België het tot dusver ongeveer 40 000 J & J-inentings toegedien, waarvan 80% aan mense ouer as 45 jaar oud is.
Volgens die EMA is meer as 1,34 miljoen dosisse J & J binne die EU toegedien.
