’n Fobie is ’n oorheersende en sinlose vrees wat met ’n bepaalde situasie of voorwerp, wat normaalweg nie vreeswekkend behoort te wees nie, verband hou.
’n Fobie is ’n oormatige en irrasionele reaksie op vrees. As jy ’n fobie het, kan jy ’n diep gevoel van vrees of paniek ervaar wanneer jy die bron van jou vrees teëkom. Die vrees kan van ’n sekere plek, situasie of voorwerp wees. Anders as algemene angsversteurings, hou ’n fobie gewoonlik verband met iets spesifieks.
LEES OOK: Vroedvrou pleit op aanklagte
Wat veroorsaak fobies?
Ontstellende gebeure, soos byna verdrinking, kan fobie veroorsaak. Blootstelling aan beperkte ruimtes, uiterste hoogtes en diere- of insekbyte kan almal bronne van fobies wees.
Mense met voortdurende mediese toestande of gesondheidsprobleme het dikwels fobies. Daar is ’n hoë voorkoms van mense wat fobies ontwikkel na traumatiese breinbeserings. Middelmisbruik en depressie hou ook verband met fobies.
Algemene fobies
- Akrofobie – hoogtevrees
- Aërofobie – vliegangs
- Arachnofobie – vrees vir spinnekoppe
- Astrafobie – vrees vir donderweer en weerlig
- Outofobie – vrees om alleen te wees
- Klaustrofobie – vrees vir beperkte of oorvol ruimtes
- Hemofobie – vrees vir bloed
- Hidrofobie – vrees vir water
- Ofidiofobie – vrees vir slange
- Soöfobie, vrees vir diere
Unieke fobies
Ongewone fobies is baie spesifiek en skaars. Sommige soveel so dat dit net ’n handjievol mense raak.
Dit is moeilik om te identifiseer omdat die meeste mense nie ongewone vrese aan hul dokters rapporteer nie. Van hulle is:
- Alektorofobie – vrees vir hoenders
- Onomatofobie – vrees vir name
- Pogonofobie – vrees vir baarde
- Nefofobie – vrees vir wolke
- Kriofobie – vrees vir ys of koue
Klik hier vir ’n volledige lys van A-Z vir fobies.
LEES OOK: Bruinbotter-troukoekies
