’n Lekker ontbytkasserol-resep vir die hele gesin. Probeer dit gerus.
LEES OOK: Liggame van vermiste paar langs pad gevind
Bestanddele:
- 8 eetlepels botter
- 8 uie- of kaasrolletjies (buns)
- ¼ koppie gesnyde geroosterde soetrissies
- 230 g roomkaas
- 1 koppie gerasperde mozzarella
- 2 koppies melk
- 3 opgehoopte eetlepels basiliekruidpesto
- 1 eetlepel gekapte vars pietersielie
- 1 teelepel gekapte vars oreganum
- ½ teelepel sout
- ¼ teelepel varsgemaalde swartpeper
- 10 groot eiers
Metode:
- Smeer ’n oondskottel met botter.
- Skeur die uierolle in stukke en plaas dit onder in die bakplaat. Strooi die geroosterde soetrissies bo-oor en skep dan die roomkaas oor die soetrissies.
- Strooi die mozzarella oor, sny die botter in stukkies en strooi dit bo-oor.
- Meng die melk, pesto, pietersielie, oreganum, sout, peper en geklitste eiers in ’n groot bak en giet dit stadig bo-oor die mengsel.
- Bedek met foelie.
- Bak vir 45 minute by 170°c, verwyder dan die foelie en bak verder tot dit ferm en gestol is, nog ongeveer 10 minute.
LEES OOK: Vermiste man se liggaam gevind
