WINDHOEK. – ’n Onbekende man het glo Sondag 18 April 2021 ’n tweejarige seun gegryp en met hom weggehardloop terwyl sy oom, wat hom oppas, ’n baadjie in die huis gaan haal het.
LEES OOK: Warrenton-hospitaal weier glo om diabeet met abses te help
Oom roep om hulp
Volgens The Namibian het die oom by die huis uitgekom en gesien hoe die verdagte met die nefie weghardloop. Hy het hom agternagesit terwyl hy om hulp geroep het.
Die man is by die rivierbank vasgekeer en het die seun laat gaan. Gemeenskapslede het die oom gehelp om die man aan te hou totdat die polisie opgedaag het.
Saak van ontvoering geopen
Nikolaus Kupembona, adjunk-kommissaris van die polisie, het aan The Namibian bevestig ’n saak van ontvoering is geopen.
