Volgens Medlineplus is obsessief-kompulsiewe versteuring (OCD) ’n geestesversteuring wat daartoe lei dat mense ongewenste en herhalende gedagtes, gevoelens, idees, gewaarwordinge (obsessies) en gedrag het wat hulle daartoe dryf om iets oor en oor te doen (dwang).
Dikwels voer die persoon die gedrag uit om van die obsessiewe gedagtes ontslae te raak, maar dit bied slegs korttermynverligting. As die persoon nie die obsessiewe rituele doen nie, kan dit groot angs en paniek veroorsaak.
LEES OOK: Prins Philip sal ‘groen’ begrafnis hê
Oorsaak
Verskaffers van gesondheidsorg weet nie wat die presiese oorsaak van OCD is nie. Faktore wat ’n rol kan speel, is onder andere hoofbeserings, infeksies en abnormale funksies in sekere dele van die brein. Gene (familiegeskiedenis) speel blykbaar ’n sterk rol. ’n Geskiedenis van fisiese of seksuele misbruik verhoog ook die risiko vir OCD.
Ouers en onderwysers herken dikwels OCD-simptome by kinders. Die meeste mense word op die ouderdom van 19 of 20 gediagnoseer, maar sommige vertoon nie simptome tot die ouderdom van 30 nie.
LEES OOK: Pastoor sê vroue moet maer en mooi bly sodat mans nie moet rondloop nie
