April 18, 2021

Aarbei-muffins met roomkaasvulsel

Drup oor muffins en sit voor.

Aarbei-muffins met roomkaaskvulsel

Aarbei-muffins met roomkaasvulsel Foto: BakerMama

Aarbei-muffins met roomkaasvulsel is eenvoudig en maklik om te maak. Hierdie muffinresep gebruik slegs ‘n paar basiese bestanddele.

LEES OOK: Seun vermis op Kriel

Bestanddele:

Streusel-krummel-bolaag:

  • ⅔ koppie meel
  • ⅓ koppie bruinsuiker
  • ¼ teelepel sout
  • ¼ koppie ongesoute botter, gesmelt

Aarbeimuffins:

  • 1 koppie meel
  • ¼ teelepel sout
  • 1 teelepel bakpoeier
  • ¼ koppie sonneblomolie
  • ½ koppie suiker
  • 1 groot eier
  • ½ teelepel vanieljegeursel
  • ½ koppie Griekse jogurt
  • 1½ koppie vars aarbeie in blokkies gesny

LEES OOK: Ma verbied om tydens aanlyn klas te borsvoed

Roomkaasvulsel:

  • 170g roomkaas teen kamertemperatuur
  • 3 eetlepels suiker
  • 1 teelepel vanieljegeursel
  • 1 teelepel mielieblom

Glaseersel:

  • ¾ koppie strooisuiker
  • 1½ –2½ teelepels melk of room

Metode:

  • Voorverhit die oond tot 220°C, voer die kolwyntjiepan met kolwyntjie-papiertjies uit en sit dit eenkant.
  • Roer meel, suiker en sout saam om die krummelbolaag te maak. Voeg gesmelte botter by en klits met ’n vurk tot growwe krummels vorm.
  • Roer meel, bakpoeier en sout saam om die muffins in ’n groot bak te maak en hou eenkant.
  • Klits eiers en suiker in ’n medium bak tot gemeng. Klits jogurt, olie en vanielje daarby in (die mengsel moet liggeel wees).
  • Vou nat bestanddele in droë bestanddele en meng alles met ‘n lepel saam.
  • Vou laastens aarbeie in blokkies met ’n rubberspaan in.
  • Hou 2-3 eetlepels aarbeie in blokkies gesny eenkant om bo-op die muffins te sit.
  • Meng die roomkaas, suiker, mielieblom en vanielje om die roomkaasvulsel te maak.
  • Voeg 1 eetlepel muffinmengsel in elke holte. Skep 1 eetlepel roomkaasmengsel in die middel van elke muffin.
  • Bedek roomkaasvulsel met muffinbeslag en vul elke holte tot ongeveer twee-derdes tot ‘n driekwart vol.
  • Strooi streuselkrummels op elke muffin..
  • Voeg ’n paar aarbeistukke bo-op en druk die krummels saggies om aan die muffinbeslag te plak.
  • Plaas in ’n voorverhitte oond en verlaag die temperatuur tot 180°C.
  • Bak vir 22-25 minute of totdat die bokante goudbruin en die middel gestol is.
  • Koel 5-10 minute in die pan af en plaas die muffins dan op ’n rak om heeltemal af te koel.
  • Berei intussen die glaseersel voor.
  • Roer strooisuiker by melk of room.
  •  Begin met 1 teelepel vloeistof en voeg geleidelik meer by totdat die gewenste konsistensie bereik is.
  • Drup oor muffins en sit voor.
  • (Hierdie resep maak 9-10 muffins)

Leave a Reply

Your email address will not be published. Required fields are marked *

%d bloggers like this: