Ertjiesop – resep

Hier is ’n heerlike sopresep vir die koue, reënerige weer.

Bestanddele:

• 225 g groen split-ertjies, gewas
• 1 liter hamaftreksel
• 100 g spek
• 1 medium wortel, opgesny
• 2 stokkies seldery, opgesny
• 1 medium ui, geskil en gekap
• sout en peper
• takkies pietersielie om te garneer

LEES OOK: Prokureur wat van SAPS-bedrog verdink word, gee homself oor

Metode:

• Plaas al die bestanddele, behalwe die opgekapte pietersielie, in ’n groot kastrol.
• Bring tot kookpunt, en laat dit dan ongeveer vir een uur prut totdat die ertjies en groente sag is.
• Haal die spek uit die sop en sny dit in klein stukkies.
• Vryf die sop deur ’n sif of puree met ’n stokmenger tot glad.
• Plaas terug in die kastrol, voeg die spekstukke by en verhit.
• Sprinkel pietersielie oor en sit voor met brood.

LEES OOK: ‘Gesteelde’ oorskot gevind