HARTBEESPOORTDAM. – ’n Ma (29) het glo haar pasgebore baba met kookwater gebrand, in ’n plastieksak toegedraai en begrawe nadat sy na bewering by haar huis in Rietfontein geboorte gegee het.
LEES OOK: Troubeplanner glo weg met bruide se geld
Begrawe baba in veld
Die ma het glo op 12 Maart 2021 die baba in ’n vlak graf in ’n nabygeleë veld begrawe. Daarna het sy ’n vriend vertroulik van die voorval vertel.
Die vriend het die polisie in kennis gestel.
Volgens owerhede is die baba se liggaam tydens die ondersoek in ’n veld opgespoor.
Die ma is in hegtenis geneem en sal vandag op aanklag van moord in die landdroshof op Brits verskyn.
