Gebruik wat in jou yskas is: Tuna-oopbroodjie-met-gesmelte-kaas – resep

Daar is soveel maklike en vinnige maaltye wat jy kan maak met bestanddele wat al lank in die spens is.

Vandag kyk ons na ‘n resep vir ‘n tuna-oopbroodjie met gesmelte kaas.

Sien ‘n verdere lys van resepte hier.

Tuna-oopbroodjie met gesmelte kaas

Met ‘n blikkie tuna kan jy ver kom, veral as jy ‘n bietjie kaas bo-oor smelt en dit op ‘n sny bros, warm brood bedien.

Bestanddele

4 snye van jou gunstelingbrood

2 eetlepels botter

1 koppie tuna in water, gedreineer

¼ koppie selderystingels in blokkies gesny

2 eetlepels kappertjiesade, gedreineer

⅓ koppie gerasperde parmesaankaas

¼ koppie mayo

2 eetlepels gekapte pietersielie

½ koppie gerasperde Cheddarkaas

Metode

Botter die brood aan albei kante en braai elke kant in ‘n pan tot goudbruin.

Meng die tuna, selderystingels, kappertjiesade, parmesaankaas, mayo en pietersielie goed in ‘n bak.

Plaas die brood op ‘n bakplaat. Rangskik die tunamengsel bo-op die brood en strooi die gerasperde Cheddarkaas oor.

Plaas die bakplaat onder rooster in die oond vir vyf tot ses minute, totdat die kaas gesmelt is en begin borrel het.

Garneer met gekapte pietersielie en sit dit dadelik voor.