DURBAN. – ’n Tiener van hier is Donderdag in hegtenis geneem na die moord op ’n polisieman.
Volgens All4Women het kapt. Simphiwe Mhlongo, woordvoerder van die Valke, gesê konst. Sizwe Mthethwa is op 7 Februarie na bewering deur die verdagte in Inanda doodgesteek. Mthethwa was van diens af.
Twee ander mense is ook tydens die voorval gesteek en is na ’n hospitaal geneem.
Na bewering was Mthethwa op pad na die verdagte se huis om met die tiener se ouers te vergader ná ‘n rusie tussen die verdagte en Mthethwa se stiefseun. Die verdagte het hulle egter glo met ‘n skerp voorwerp aangeval voordat hulle by sy huis aangekom het.”
Mhlongo het gesê die verdagte staan tereg op ‘n aanklag van moord, poging tot moord en diefstal.
Lees meer artikels hier.
