NOORD-KAAP. – Twee tieners, onderskeidelik 12 en 18, is dood nadat ’n muur tydens ’n erge storm op hulle geval het.
Na skuiling gesoek
Verskeie informele nedersettings is tydens die storm naby Pampiersyad verwoes. Daar word beweer die twee slagoffers het na skuiling agter die muur gesoek. Kapt. Olebogeng Tawana, polisiewoordvoerder, sê nog twee mense is tydens die storm beseer. Tawana sê die mense moes na ‘n hospitaal vir behandeling geneem word.
Groot storm
Volgens Tawana het groot gedeeltes van Pampierstad onder die storm deurgeloop. Hy sê bome is omgewaai, huise se dakke is afgewaai en party dele is sonder elektrisiteit.
