KAAPSTAD – ’n Verdagte (50) is in hegtenis geneem omdat hy na bewering ’n 14-jarige tydens ’n fotosessie by ‘n modelagentskap verkrag het.
Sers. Noloyiso Rwexana, polisiewoordvoerder, sê verskeie speurders van Kaapstad se polisie-eenhede het by ’n modelagentskap in Kaapstad gaan ondersoek instel. Die beskuldigde is op aanklag van verkragting gearresteer.
Sers. Rwexana sê die 14-jarige het op 24 Junie vanjaar vir ’n fotosessie gegaan toe die verdagte haar na bewering verkrag het.
Die verdagte het na verwagting vandag in die streekshof in Kaapstad verskyn.
