Die perfekte bykos vir jou middagete met die ekstra geur van sampioene.
Genoeg vir 6.
8 middelslag-aartappels
250 ml room, louwarm
55 g (60 ml) botter
45 ml olyfolie
250 g bruin sampioene, grofgekap
sout en varsgemaalde swartpeper
Skil die aartappels en sny in groot blokke. Plaas in ’n groot kastrol met water en kook tot sag en gaar. Dreineer en voeg die room en botter by. Maak goed fyn met ’n aartappeldrukker tot mengsel roomsag is. Verhit die olie in ’n pan en braai die sampioene vir 5 – 8 minute of tot gaar. Voeg by die aartappels en meng. Geur goed met sout en peper.
