KIMBERLEY – Hoeveel bande het Kimberliete nie al weens slaggat-skade op hul voertuie laat vervang nie? Hoeveel keer, voertuigeienaar, moet jy nóg deur dieselfde slaggat ry voor iemand besluit genoeg is nou genoeg?
Hoeveel keer word “ag vervlaks” nie daagliks uitgeroep as gevolg van die lelike slaggate wat jou voertuig se bande letterlik in die slag laat bly nie?
Slaggate wat totsiens sê
Die slaggat se gat-manne is op 24 Februarie 2020 hard aan die werk by die vierrigting-stop in Memorial- en Synagoguestraat. Die slaggate word al sedert vroegoggend opgevul.
Nie meer lank nie, voertuigeienaar, dan kan jy in díé strate ry sonder om vir ’n slaggat pad te gee.
Vele hande maak ligte werk
Rudi Ferreira, projekleier van slaggat se gat en bedryfshoof van FiND iT, sê meer as 1000 slaggate is reeds reggemaak en in geheel is meer as 1000 vierkante meter reeds toegemaak. “Die reën het ons taamlik opgehou, maar ons is nou weer aan die gang. Hou in gedagte dat van die strate moes ons oor uitsny en dan oor teer wat langer vat en die proses duurder maak.”
Die doelwit van die projek is om 6000 slaggate voor Julie in 2020 op te vul.
Trotse borge van Slaggat se Gat
Beefmaster en AfriForum het onder andere nie op hulle laat wag om deel van die projek te word nie. Met ruim bedrae wat van beide borge ingesamel is, het die Slaggat se Gat-veldtog reeds as ’n sukses afgeskop.
Ander borge sluit in:
Afriforum – Ian Smith – R80 000
Beefmaster – Louw van Reenen – R50 000
Horseshoe – Larry Schoeman – R5000
Dentists @ Memorial – Carlo Grebe – R2500
Chimanuka – Ketsi Babuseng – R5000
Remax – Esti Potgieter – R5000
CLR Electrical – Wouter & JP Liebenberg – R2000
NTLO Signs and Automation Christo Snyman – R3000
Engelsman & Magabane Prokureurs – R10 000
Civic Motors – Pieter van Niekerk – R2500
TRS Transformers – André du Toit – R3000
PC Struwig Panelbeaters – Peet Struwig – R5000
Toplay Country Eggs – Barry & Bernard Gerber- R3000
MK8 Diamonds – Mynhard Koen – R2500
NTT Volkswagen – Paul Kok & Du Toit Odendal – R4000
Cell C – Muishond Malan -R5000
CTM – Hannes Bruwer – R2500
Human Auto Ford – Dewald en Karen Human -R2500
National Auto Glass – Edrich Lubbe – R2500
Barney du Plessis – GVS Makelaars – R2500
Derek Corns -R5000
Slaggate is sover in die strate gemaak:
Bebington
Jawno
Lowndes
Rind
Kekewich
Ayliff
MacDougal
Main Rd
Hercules
Carrington
CBC
Memorial & Synagogue
Strate wat volgende op die lys is:
Conrad
Halket
Ortlepp
Frazer
