Lees ook: Eskom kondig daaglikse breke in beurtkrag aan
GQEBERHA. – Vier verdagtes is gister in hegtenis geneem na ’n roof by ’n klerewinkel by Metlife Plaza in Gqeberha.
Drie gewapende mans het gister by die winkel ingegaan. Hulle het geld en selfone geëis waarna hulle in ’n wit Chev Spark gevlug het.
Die voertuig is ’n paar uur later gesien met vier verdagtes daarin. Toe hy die polisie gewaar, het die bestuurder weggejaag. Die voertuig het in Schauderlaan stilgehou waar twee verdagtes probeer vlug het.
Al vier verdagtes is in hegtenis geneem en ’n 9 mm-pistool met 8 rondtes ammunisie is in hulle besit gevind. Verskeie selfone, herlaaiers en geld is ook in hulle besit gevind.
Hulle word aangekla vir die besit van ’n ongelisensieerde vuurwapen en ammunisie en die onwettige besit van gesteelde goedere.
Bronne: SAPD
