SUID-AFRIKA.- Die veelvuldige bekroonde en Grammy-benoemde sanger, James Blunt, bring binnekort sy Who we used to be-toer na Suid-Afrika.
Sy eerste optrede sal op Donderdag 12 September 2024 by die Grand-arena, Grand West in Kaapstad plaasvind. Saterdag 14 September 2024 sal hy by die SunBet-arena, Time Square in Pretoria te sien wees.
Kaartjiepryse vir Kaapstad wissel tussen R855 en R3 085. Kaartjies vir die Pretoria-vertoning wissel tussen R855 en R2 845. Die publiek word gewaarsku dat slegs 20 kaartjies per persoon en kredietkaart gekoop mag word.
Kaartjies kan aanlyn by ticketmaster gekoop word. Geen kinders onder die ouderdom van drie sal toegelaat word nie.
Die konsert vind met die samewerking van Big Concerts, 947 en KFM 94.5 plaas.
Bronne: Big Concerts, Ticketmaster, Twitter
