LEES OOK: KYK: Suid-Afrika se oudste kroeg is te koop – vir R12 miljoen
Enoch Godongwana, die minister van finansies, het gesê uit 5 303 openbare entiteite skuld 404 die Suid-Afrikaanse Inkomstediens (SARS) gesamentlik ongeveer R5,9 miljard in agterstallige belasting.
Godongwana het gesê R2,4 miljard word aan LBS geskuld en R3,5 miljard aan BTW. “Van die R5,9 miljard se skuld is R1 miljard onder dispuut, wat ‘n balans van R4,9 miljard onbetwis laat, waarvan R2,9 miljard se skuld reeds ouer as drie jaar is,” het hy gesê. “Dit sal in die komende maande noukeurig gemonitor word om tendense ná die implementering van die kostebeperkingsmaatreëls waar te neem.”
Volgens die minister is daar geen korrelasie tussen die huidige kostebeperkingsmaatreëls en die verhoogde onvermoë van departemente en openbare entiteite om hulle belasting te betaal nie.
SARS is in gesprek met die nasionale tesourie om die agterstallige bedrae af te trek van die toelaes wat aan die departemente en openbare entiteite gegee word.
#SARS #Belasting #Afrikaans #Nuus #Newsfeed
Bronne gebruik: IOL; BusinessLive; DailyInvestor.
