Lees ook: Vrou in haar motor ontvoer
GAUTENG. – Vyf mans is in Gauteng vir die onlangse moorde in Westbury in hegtenis geneem.
Die polisiewoordvoerder het gesê die verdagtes, tussen 20 en 34, is Saterdag en Maandag in Sophiatown, Naturena en Soweto in hegtenis geneem.
Die verdagtes word onder meer aangekla van moord, poging tot moord, verkragting en dwelmhandel.
Na die polisie inligting ontvang het, is die eerste twee verdagtes Saterdag in Sophiatown in hegtenis geneem. Hulle is in besit gevind met Mandrax-tablette en kokaïene. Die een verdagte is in hegtenis geneem vir die moord op ’n polisiebeampte en het verskeie uitstaande sake teen hom. Die tweede verdagte word gesoek vir ’n verkragting en het ’n saak van besit van ’n ongelisensieerde wapen teen hom.
Nog ’n verdagte is Maandag in Naturena vir moord en verkragting aangekeer. ’n Vierde verdagte is in Westbury vir moord in hegtenis geneem. Die vyfde verdagte is in Soweto vir ’n moord by ’n haarsalon in Westbury vasgetrek.
Bronne: IOL, News365, The Africa
Lees ook: Vrou in haar motor ontvoer
