Lees ook: Nandipha Magudumana se borgaansoek tot Maandag uitgestel
BLOEMFONTEIN. – Nandipha Magudumana spandeer haar 35ste verjaarsdag in die hof vir haar borgaansoek. Sy het vir die hof gesê sy is bereid om R10 000 borg te betaal.
Magudumana het verlede week haar eerste borgaansoek gemaak na sy in April in Tanzanië in hegtenis geneem is saam met haar kêrel, die sogenaamde Facebook-verkragter Thabo Bester. Sy en nog minstens 11 mense word aangekla daarvan dat hulle Bester uit die tronk help ontsnap het.
Die staat het aangevoer Magudumana is ‘n getroude vrou wat Bester se ontsnapping beplan het en haar kinders agtergelaat het om saam met haar kêrel te vlug.
Die verdediging het gesê sy is deur Bester ontvoer en gedwing om in die kar te klim toe hulle land uit is.
As Magudumana vrygelaat word, sal sy by haar vriendin, dr. Michelle Chibaya, bly.
Die borgaansoek gaan steeds aan.
Bronne: IOL, The Africa, eNCA
Lees ook: Nadoodse ondersoek toon iemand langer as Senzo Meyiwa het hom geskiet
