Solly Tayob (65), ‘n sakeman van Burgersfort in Mpumalanga, is volgens AO Lethunya Mmuroa op 2 Junie 2023, omstreeks 19:45, deur swaar gewapende mans “met militêre presisie” by sy besigheid ontvoer.
‘n Multi-dissiplinêre span, wat die Valke insluit, het Tayob opgespoor. Hy is Vrydag 30 Junie met sy familie herenig.
Die span het tydens die ondersoek van kuber-forensiese en onkonvensionele ondersoekmetodes gebruik gemaak.
Twee verdagtes wat in hegtenis geneem is, het reeds in die Praktiseer-landdroshof verskyn en sal weer vandag 3 Julie in die hof verskyn.
Die polisie-ondersoek duur voort.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
