Ontvang FiND iT se nuusbriewe – teken hier aan
Die onafhanklike polisieondersoekdirektoraat (Opod) het bevestig nog geen inhegtenisnemings is gemaak na die skietery tussen ‘n SAPD-lid en JMPD-lid by ‘n nagklub in Johannesburg nie.
‘n Lid van die Johannesburgse metropolisie (JMPD) is na bewering deur ‘n SAPD-lid doodgeskiet in Braamfontein na ‘n alterkasie by ‘n nagklub vroeg Maandagoggend. Hy is op die toneel oorlede.
In video’s wat op sosiale media versprei, staan die JMPD-lid met ‘n geweer en probeer die SAPD-lid by sy voertuig uittrek om te baklei.
Die JMPD-lid sê glo dan vir die polisieman om sy eie geweer uit te haal. Sekondes later word ses skote gevuur en die JMPD-lid is op die grond met ‘n bebloede bors.
Opod ondersoek ‘n saak van moord.
Bronne: EWN, IOL, The Citizen
