Lees ook: EFF raadslid vermoor by Limpopo huis
’n Durbanse polisiebeampte is Sondagaand doodgeskiet in ’n beweerde voorval van padwoede.
Die polisiewoordvoerder, kol. Robert Netshiunda, het gesê die inligting wat hulle het, is dat die polisiebeampte en sy vrou op pad huis toe van ’n troue af was toe ’n ander motoris roekeloos bestuur en die pad vir hulle geblokkeer het.
Hulle het glo ‘n argument gehad. Die motoris het toe na bewering ’n vuurwapen uitgehaal, waarop die polisiebeampte, wat steeds in sy voertuig was, ook sy privaat vuurwapen uitgehaal het. Die motoris het glo eerste geskiet. Die polisiebeampte is op die toneel oorlede. Sy vrou, wat agter in die voertuig gesit het, is nie beseer nie.
Die Hillcrest-polisie ondersoek die moord en is op soek na die verdagte. Die polisiebeampte het drie skietwonde aan sy bolyf en kop gehad.
Bronne: IOL, VN Explorer, News365
Lees ook: EFF raadslid vermoor by Limpopo huis
