Twee mense het beserings opgedoen nadat die voertuig waarin hulle gery het Maandag teen ‘n wal af en in ‘n boom op Jabu Ngcobo-pad naby Trenance Park KZN vasgery het.
Verbygaande motoriste het Reaction Unit South Africa (Rusa) omstreeks 11:56 vir bystand gekontak. Met hul aankoms het beamptes ‘n wit VW Jetta ‘n paar meter van ‘n wal af ontdek. Die bestuurder en sy passasier het langs die pad gestaan.
Die bestuurder het beamptes ingelig dat hy na sy suster se woning in Phoenix op pad was nadat hy ingelig is dat sy siek is. Kort nadat hy sy huis in Trenance Park verlaat het, het sy voertuig skielik die pad verlaat en etlike meters teen ‘n wal af gery voordat dit in ‘n boom vasgery het.
Beide insittendes van die voertuig het ligte beserings opgedoen.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
