‘n Man (47) is Dinsdag 11 April 2023, vier dae nadat hy vir dood in ‘n suikerrietland te Canelands, KwaZulu-Natal gelaat is, gevind.
Reaction Unit South Africa het ongeveer 15:09 ‘n oproep van ‘n veewagter ontvang wat op die man afgekom het.
Met aankoms op die toneel het die man aan reaksiebeamptes vertel dat hy na bewering Vrydag reeds deur drie mans gekonfronteer is. Hulle het hom glo van ‘n luidspreker naby sy huis beroof en hom daarna met stokke aangerand totdat hy sy bewussyn verloor het.
Volgens hom is hy hierna in ‘n kombers toegedraai en in ‘n kruiwa tot in ‘n dig beboste gebied gestoot en oor ‘n rivier gedra voordat hy in die suikerrietland gegooi is.
Die aanvallers het daarna op die vlug geslaan.
Die slagoffer sê dat hy die volgende oggend sy bewussyn herwin het en gevind het dat beide sy bene frakture het. Hy het homself uit die suikerrietland gesleep en het vir drie dae op die grondpad gelê voordat hy deur die veewagter ontdek is.
Die beseerde slagoffer is vir mediese behandeling na ‘n hospitaal geneem.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel
