Lees ook: Gerhard Ackerman beplan glo om skuld te erken
Die vermeende kinderseksringbaas Gerhard Ackerman het Maandag in die Johannesburgse hooggeregshof erken dat hy seks gehad het met ’n 16-jarige seun.
Gerhard Ackerman staan tereg op 738 aanklagtes van verkragting, mensehandel, die vervaardiging en verspreiding van kinderpornografie en poging tot moord. Ackerman is Maandag vrygespreek van twee aanklagtes teen hom in verband met mondelinge seks nadat die twee seuns dit nie genoem het tydens hulle getuienis nie.
Ackerman se prokureur, Herman Alberts, het Maandag van die erkennings wat Ackerman gemaak het in die hof gelees, insluitend hoe regter Paul Kennedy ’n kliënt was by Ackerman se masseurbesigheid.
Ackerman het ook erken dat hy seks gehad het met ’n 16-jarige wat by sy masseurbesigheid gewerk het en dat hy ’n video geneem het van hulle saam.
Hy het gesê dat hy nie Suid-Afrika se wette oor seks met ’n minderjarige ken nie en dat hy gedink het 16-jariges kan toestemming gee.
Ackerman se getuienis sal Dinsdag voortgaan.
Bronne: EWN, Sowetan LIVE, 2 Oceans Vibe
