Malawi het die opening van openbare skole in die land se twee groot stede Blantyre en Lilongwe uitgestel, het die minister van gesondheid Maandag gesê. Die uitstel is om ‘n oplewing in cholerasterftes te probeer vertraag.
Die totale aantal gevalle en sterftes het versnel tot onderskeidelik 17 824 en 595, sedert gevalle die eerste keer in Maart aangemeld is, met die sterftesyfer wat met 3.34% toegeneem het, volgens die ministerie van gesondheid.
Cholera is ‘n jaarlikse probleem gedurende Malawi se reënerige maande van November tot Maart, waar die aantal sterftes ongeveer 100 per jaar is. Die huidige uitbraak sal egter na verwagting die ergste nog wees.
“Weens die voortdurende toename in choleragevalle en sterftes in die stede Blantyre en Lilongwe, sal laerskole en hoërskole in die twee stede nie op 3 Januarie, soos vroeër aangeraai is, begin nie” het Khumbize Chiponda, minister van gesondheid, in ‘n verklaring gesê.
’n Nuwe heropeningsdatum sal later aangekondig word, het sy gesê.
Bronne: IOL, All Africa, Reuters
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
