Ouers van jong kinders wat teen die Strep A-infeksie moes baklei, waarsku ander ouers nou teen die simptome.
Ouers het begin praat oor die tekens en simptome van die Strep A-infeksie nadat reeds 15 kinders in Engeland weens die infeksie dood is.
Een van die kinders wat in die laaste paar weke dood is, is die sewejarige Hanna Roap. Haar pa sê haar familie is “getraumatiseerd” en “platgeslaan” deur haar dood, slegs 24 uur nadat sy met die infeksie siek geraak het.
Simptome van die infeksie sluit in ‘n koors bo 38°C, ‘n seer keel of mangelontsteking, erge spierpyne, sensitiwiteit van spiere en rooi rondom ‘n wond.
Die infeksie versprei deur nabye kontak met ‘n geïnfekteerde persoon en kan deur middel van wonde of hoes- of niesbuie versprei.
Sommige mense kan die bakterie dra sonder om siek te wees of enige van die simptome te wys.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
