Nog een van die sewe verdagtes wat onlangs uit die Makhanda-tronk ontsnap het, is Sondagaand 23 Oktober 2022 omstreeks 18:30 gevang.
Die polisie het inligting ontvang oor ‘n moontlike ontsnapte, wat na bewering mense vir kos in die boeregemeenskap in Seven Fountains gevra het.
‘n Taakspan het dadelik die leidrade opgevolg, en binne 30 minute het hulle ‘n derde ontsnapte, Trymore Chauke in Seven Fountains, weer in hegtenis geneem.
Die polisie doen ‘n beroep op gemeenskappe om voort te gaan om hulle te waarsku oor enige verdagte persoon in hul woonbuurte, sodat al hierdie ontsnaptes in hegtenis geneem kan word en weer in aanhouding teruggeplaas kan word.
