Van volgende jaar af gaan Netflix-gebruikers wat hulle rekeninge deel meer betaal om die deel van wagwoorde te probeer stop.
Netflix het gesê hulle is besig met planne om van vroeg 2023 af mense meer te laat betaal as hulle hul wagwoorde deel met mense buite hulle huishouding.
Huidige bepalings lui dat gebruikers nie veronderstel is om hulle wagwoorde te deel met enigiemand buite hulle huishouding nie, berig The Mirror. Maar sommige gebruikers deel steeds hul rekeningbesonderhede met vriende en familie om geld te spaar.
Die nuwe planne is daarop gemik om Netflix-gebruikers aan te moedig om te betaal vir enige ekstra mense wat hulle rekeninge gebruik.
In ‘n brief aan aandeelhouers het die maatskappy verduidelik: “Nadat ons na verbruikersterugvoer geluister het, gaan ons die vermoë bied vir leners om hul Netflix-profiel na hul eie rekening oor te dra, en vir delers om hul toestelle makliker te bestuur en sub-rekeninge (ekstra lid), as hulle vir familie of vriende wil betaal.” ‘n Soortgelyke skema is reeds in plek in sommige lande, insluitend Argentinië, die Dominikaanse Republiek, El Salvador en Guatemala. Gebruikers in hierdie lande moet ‘n ekstra $2,99 per “tweede huis” betaal deur hul Netflix-besonderhede te gebruik om toegang tot die stroomdiens te verkry.
Netflix het bevestig dat hulle van plan is om hierdie nuwe maatreëls wêreldwyd in te stel, met dienste beskikbaar in meer as 190 lande wêreldwyd. Dit moet nog bevestig word presies wanneer die nuwe maatreëls vir Britse gebruikers ingebring sal word.
Bronne: Chronicle Live, Metro
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
Lees ook: Saak van seksuele aanranding teen Kevin Spacey van die hand gewys
